У Вязынцы спілавалі маляўнічыя дрэвы, што схіляліся над вадой
Вязынка — адно з самых прыгожых і рамантычных месцаў пад Мінскам. Музей Янкі Купалы, размешчаны ў гэтай вёсачцы, наведвалі і наведваюць не толькі школьнікі, але і дарослыя. Асаблівы шарм лакацыі надавалі старыя дрэвы, якія, мудрагеліста выгнуўшыся, звісалі над ракой. Аднак на днях стала вядома, што гэтыя самыя дрэвы спілавалі. Здымкамі пнёў падзяліўся ў сваім Facebook фатограф Валерый Вядрэнка.
«Няма слоў, адны гукі. Ды пні», — каментуе ўбачанае Валерый.
Выглядае тэрыторыя цяпер і сапраўды асірацелай. Як раней ужо дакладна не будзе.
Onlíner даведаўся, чаму ўсё ж былі спілаваныя дрэвы, якія сталі неадрыўнай часткай Вязынкі.
— Дрэвы, на жаль, былі ў вельмі дрэнным, аварыйным стане. Гэта паказала спецыяльнае абследаванне, ёсць заключэнне. Да бяды было рукой падаць. Але, як кажуць, калі ты ссек адно дрэва, пасадзі замест яго дзесяць. І хутка мы будзем ладзіць такую акцыю — пасадзім дрэвы на радзіме Янкі Купалы. Сачыце за нашай афішай і даведаецеся, калі гэта будзе. Усе жадаючыя змогуць далучыцца, — распавялі ў музеі.
А такой мы ўбачылі Вязынку ў 2019 годзе.
«Onlíner па-беларуску» ў Telegram. Моўныя віктарыны, тэсты для аматараў вандровак і тэксты на роднай мове
